Lamaanaha is jecel waa kuwo leh calaamadahaan (2024)

Maxaa lagu gartaa lamaanaha is jecel ee guulaystay ama kuwa is qaba ee ku nool dhalanteedka? In aad kala garato lamaanaha is jecel iyo kuwa dhalanteedka ah uma adko sida aad umaleyso, maxaa yeelay lamaanaha sida dhabta ah isu jecel waa kuwo ka duwan lamaanaha kale.

Sida aan ogsoonnahay jaceylka dhabta ah waa sida ubaxa oo kale, waxa uu u baahanyahay waraabin joogto ah. Sidoo kale waa sida ubad dhalaan ah oo kale, waxa uu u baahanyahay in la koolkooliyo, oo uu qofba qofka kale dhankiisa ka daadihiyo. Haddii ay caqabado yimaadaan lamaanaha is jecel iskuma fiirsadaan ee waa kuwa horay ka xaliyo.

Lamaane kastaa waxa uu jecelyahay inuu tanaasulo, maxaa yeelay ma doonayaan inuu waayo jaceylkiisa.

Dhanka kale nolosha lamaanaha is jecel waxaa tiir u ah daacadnimo, waxaa sal u ah ixtiraam, waxayna wadaagaaan calaamadaha soo socdo kuwaaso ah kuwa kamid ah calaamadaha lamaanaha guulaystay.

Lamanaha is jecel waxa ay lamaanaha kale uga duwan yihiin, marka ay kulmaan waa kuwo isu qushuuco, wejiyadoodu waxaa laga dheehan karaa farxad aanan caadi ahayn. Midba midka kale waxa uu xiiseynayaa aragiisa, maqalkiisa, hadaladiisa iyo kaftankiisa. Waa kuwo sheekadu ay isugu baxdo oo marnaba makala caajisaan.

Sidoo kale lamaanaha isku dhiiga ah waxay jecelyihiin in gurigooda uu dhisnaado weligiis, isu dhalaan caruur tayo leh, waqti farxad badan ne l wada qaataan.

Hadal badan haan ma buuxiyee, aan kuu soo koobo hadalka. Maanta waxaan kula wadaageynaa 5 qodob oo muhiim u ah gabadha iyo wiilka is jecel ama guuleystay ee guurka wadaagay, haddaan si kale u iraahdo waa shan kamid ah calaamaha ay wadaagaan lamaanaha is jecel. Haddii aad raacdo qodobadani waxaa uu lamaanahaaga kuu qaadi doonaa jaceyl aan xad lahayn. Marnaba kuma dhiiran doono in uu kaa dheeraado, adiguna waad u riyaaqi doontaa.

Hadaba maxay wadaagaan lamaanaha is jecel?

Lamaanaha is jecel waxaa caado u ah muujinta jaceylka

Qaali ma ogtahay in aan adiga kugu waashay? Waan ku jeclahay waxay kordhisaa dareenka farxadeed ee ay isu qabaan lamaanaha is jecel, waxaa wanaagsan in lamaanaha uu midba midka kale uu ku dhahho maalintii hal mar ugu yaraan. Of course haka badbadin lamanahaaga ama u dheh qaabab kale oo nuucaan ah: Baro sida loo dhaho lamaanahaaga waan ku jeclahay

Waxa ay isa siiyaan kalsooni

Sida kalsoonida loo dhiso wey sahlantahay balse waxaa ka sii sahlan sida loo burburiyo. Sii lamaanahaaga kalsooni dhab ah si ay noloshiina u qurux badnaato. Haka qarin sirtaada, hana qaadan go’aan uusan isaga ama iyada aysan kula ogeyn. Midna xusuusnow: Kalsoonidu waa sida muraayada oo kale, hadey jabto wey adag tahay in dib la isugu soo celceliyo.

Waxa ay isu hadiyadeen hadiyado lama filaan ah

Badanaa lamaanaha ma xusuustaan inay wax isku hadiyeeyaan lkn waa muhiim hadiyada waliba lama filaan laysaga dhigo, kaliya hadiyadihiin yeysan ku ekaan xilligi shukaansiga markaad isguursataan sii wada waliba waa muhiim inaad ogaato waxyaabaha uu qofka jecelyahay. Taas waxay xoojinaysaa inaad wax badan wada jirtaan, gurigiinana uu noqdo guri ku dhisan jacayl dhab ah.

Lamaanaha is jecel waxay wadaagaan shaqda guriga

Wax qurux badan ma ahan in shaqada guriga uu hal qof oo kaliya lagu fiirsado ama lagu sii daayo mar waliba waxaa fiican in aad caawiso lamaanahaaga misana garab istaagto, waxyaabaha qaar aadba adiga ka hor samaysid oo aadan ayada ama isaga sugin.

Samaysta jadwal in howsha guriga uu qof qaybtiisa qabto. Taas waxay dhexdiina ka abuuraysaa jacayl iyo kalsooni aanan xad lahayn, caawi xaaskaaga/sowjkaaga.

Ninka Xaaskiisa Jecel Waa Mid Ka Duwan Raga Kale

Wuxuu midba midka kale ku iraahdaa erayo macaan ah

Xusuusnaaw in ay muhiim tahay in mar waliba xaajigaaga ama xaajiyadaada aad u adeegsato Erayo macaan ah gaar ahaan erayo naxariis badan oo qalbiga taabanayo. Erayo marka aad ku tiraahdo qalbiga lamaanahaaga soo jiidanayo. Fiiro gaar ah, haddii aad qalbi jilcan tahay sida Farxiyo Fiska oo kale, fadlan ha gujin linkigaan, hana isku akhrisan erayadaan tusaalaha ah ee qalbiga dhalaalinayo: Erayo naxariis badan oo qalbiga lamaanahaaga dhalaalinayo

Gunta iyo Gunaadka

Qodabkee isticmaashaa ama si gaar ah kuu soo jiitay? Nala wadaag aragtidaaada.

Haddii aad iskaabulo tahayna, waxaa Gabdho Community ka baran kartaa gabdho iskaabulo ah sida adigoo kale.

Qoraa: Saabiriin Sabnaa – Cishqi-Team